مهندسين كووول
منتدى مهندسين كووول
اهلا وسهلا ومرحبا بك اخى الزائر يسعدنا تسجيلك فى منتدى مهندسين كووول
www.engineer.akbarmontada.com




مهندسين كووول

مهندسون ....ونفتخر
 
الرئيسيةبحـثالتسجيلدخول
كـــــــــــــــــــــــــل عــــــــــــــــــــــــام وانتـــــــــــــــــــــــــــم بخــــــــــــــــــــــــــــــــــير
أسرة المنتدى ترحب بالاعضاء والسادة الزوار
مهندسين كووول www.engineer.akbarmontada.com
واجبنا نحو فلسطين الدعاء التبرع المقاطعة


شاطر | 
 

  -=( ازاى تقول للبيت النتيجة ... خصوصا لو شايل مادة )=-

اذهب الى الأسفل 
كاتب الموضوعرسالة
admin
المدير العام
المدير العام
avatar

الجنس : ذكر
العمر : 28
المشاركات 537
نقاط 1239
تاريخ التسجيل : 28/08/2008

مُساهمةموضوع: -=( ازاى تقول للبيت النتيجة ... خصوصا لو شايل مادة )=-   الجمعة 30 يوليو 2010, 11:24 am





يا جماعة ... انتم طبعا بتشوفو النتايج المبشره ... وسمعتم ان ناس كتير شايله مواد
ربنا معاهم .... ومعانا كلنا ... وربنا يعوضهم ... ان شاء الله
وفيه حاجة لفتت انتباهى وانا بقرأ المواضيع والردود تبع الكلام ده ....
وهى ازاى هيقول للحاج والحاجة انو شايل مادة - طبعا ده لو مكانش له خبرة فى المجال ده - ...

دى بعض الاقتراحات اللى عايز ياخد اللى يناسبه ....

=================================
1- فى حالة لو حاطين عليك امل كبير ... والحاج شايف ان (احمد زويل) راحت عليه وان الاوان للكوادر الشابة بقيادة حضرتك .
--------------------------------------------
فى الحالة دى هيبقى صعب عليهم انهم يتقبلو الموقف ... فانت يامعلم تتبع استراتيجية " قضى اخف من قضى "
... تخش عليهم فاجأة ... ناكش شعرك وبتعيط ... وتصرخ ويتقول : الحقينى يا ماما ... الحقنى يا بابا ...
وهيجرو عليك ويقولو لك : فيه ايه يابنى ؟! ... ايه اللى حصل ؟!... تقوم انت قايل : اخويا يا ماما ... اخويا يا بابا ...
خبطو ميكروباص (الجلاء- الجامعة) ونقلوه ع الموقف ... قصدى المستشفى .... والسواق رمى التباع وحاول الهرب
.... وهو بيهرب خبط عمى ومرات عمى وبنت عمى اللى كانو بيجرو على اخويا .... و رمى الزباين وحاول الهرب ...
وهو بيهرب خبط خالتى وجوز خالتى وبنت خالتى اللى كانو طالعين من الهايبر .... وحاول الهرب و ....
ابوك : ابوس رجلك قول انهم مسكوه ... معدشى الا انا وامك اللى فى العيلة .. اهىء اهىء ..
انت : مسكوه يا بابا ... وعلى فكره انا شايل رسم !!!
ابوك : والله معادت فرقة يابنى ... انا خلاص معدتش عايز حاجة فى حياتى ... اهىء اهىء ..
---------------------------------------------
ملحوظة : اتأكد ان اخوك مش فى البيت قبل ما تدوس فى الحوار ...
================================== ==
2- فى حالة الوالدين العصبيين .... مفيش فايدة .---------------------------------------------
فى الحالة دى عليك وعلى استراتيجية " وقوع البلا ولا انتظاره " ...
تخش عليهم وتختار الوقت المناسب ....
انت : بابا ... ماما .. بابا ...
ابوك : عايز ايه ؟؟ الله يحرقك !!
انت : انا عايزك تاخد ...
ابوك : بتقول ايييييييييييييييه ؟؟!!
انت : استنى بس يا بابا ... انا عايزك تاخد نفس عميق وتحبسه فى صدرك 5 دقائق ... وتطلعو بالراحة ..
ابوك : ايه ده ؟!! انت جايب شيشة ؟؟!!
امك : مافيش شيشة فى البيت ... خد ابوك وروحو على القهوة ...
انت : شيشة ايه بس !! ... انا عايزكو تبقو ريلااااااااكس خااااااااااالص ... اصلى شلت الرسم ...
بس خلااااااااااص ... سيكاااا هاااا ..
امك : بتقول ايه ؟!! ... انت فاشل .. انت مابتذكرش ... انت مستهتر ... انت .. انت ... انت ..
ابوك : الله يحرقك انت ... ويحرق امك انت .... وانا وانت .... وشايلنى يا جدع
...
---------------------------------------------------

ملحوظة : ابقى هات كاسيت معاك بحيث لو الحاج قام ياخد وصلتين ...
================================== =
3- فى حالة الوالدين معتمدين عليك ... يعنى راجل البيت ------------------------------------------------------
فى الحالة دى يا معلم .... مينفعكش غير استراتيجية " زغاليلو ياما " ... وهى من ابداع
اللواء : كتكوت ابو الريش .... ماعلينا .... تدخل على الحاج وبنظرة كلها حب وامتنان
- خلى بالك حب الابناء للاباء ... عشان ماتوديناش فى داهية - ....
انت : شكرا يا بابا ... انت علمتنى ازاى اكون راجل حامل ...
ابوك : نعم يا خويا ؟!!!
انت : استنى بس يا بابا انت مستعجل ليه ... انا قصدى حامل للمسؤلية وقدها ... و ..
ابوك : انجز يا بنى ... انا عايز اخش الحمام ...
انت : طب يا بابا تعالى نسترجع ايام ما كنت صغير ... وكنت بتقولى ...
ابوك : يا نهار اسود ... احنا لسه هنسترجع ... بقولك خلاص مش أأأأأأأأأأدر ...
انت : خلاص ... بتقولى عايزك تكبر وتشيل عنى شوية ... و انا جاى النهارده عشان اقول لك ...
ابوك : مش انت لوحدك اللى جاى فى حاجات تانية جاية كمان .... انجز ..
انت : انا قررت اشيل يا بابا ... ودينى رفعت راسك وشلت ... شلت الرسم ...
ابوك : شيل اللى يعجبك يا بنى ... المهم حل عن سما امى وسيبنى اروح الحمام ...
-------------------------------------------------


ملحوظة : وحياة خالتك .. ابقى نقى وقت مناسب اكتر من كده ...
================================== ===
دى الافكار اللى جت على بالى يا جماعة ... ويا رب تنفع حد فيكو ...

والسلام ختام
الرجوع الى أعلى الصفحة اذهب الى الأسفل
http://engineer.akbarmontada.com
 
-=( ازاى تقول للبيت النتيجة ... خصوصا لو شايل مادة )=-
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مهندسين كووول :: الهندسة المدنية :: الهندسة المدنية-
انتقل الى:  
<div style="background-color: none transparent;"><a href="http://www.rsspump.com/?web_widget/rss_ticker/news_widget" title="News Widget">News Widget</a></div>